Mr Science

De Mr Science sicht sech Hëllef bei Schoulkanner déi den Apel an d´Bier genee ënnersichen an en erkläert wisou den Apel vum Bam fällt wann en zeideg ass.

Mat enger mathematescher Formel kann een den Horizont berechnen, mee et kann een och einfach mat engem Boot dohi fueren. De Mr Science mécht béides - op der Plage zu Zeebrugge.

D'Bréifdauwe kënne Strecke vun iwwer 1000 km zeréckleeën. Wéi maachen se dat, a wéi séier sinn se? De Mr Science mécht eng Course mam Auto géint d'Dauwen.

De Mr Science spillt op engem selwer erfonntenem Héischspannungs - Museksinstrument. En Toun entsteet awer wéi bei all aner Instrument duerch Vibratioune vun der Loft.

Wee fréier am Wanter wollt Uebst a Geméis iessen, deen huet missen op Konserven zréckgräifen. Mee wéi mécht een déi selwer, a sinn se wierklech sou schlecht wéi hire Ruff?

Salz bréngt Äis zum schmëlzen, och wann et méi kal ass wéi 0°C? Wat do genee passéiert erkläert de Mr Science an der Kichen.

De Mr Science erkläert firwat d'Wolleke meeschtens héich an der Loft sinn, an iwwerpréift seng Erklärung andeems en e Wiederballon op d'Rees schéckt.

Firwat hunn modern Wandrieder ëmmer nëmmen 3 Rotorblieder? De Mr Science geet där Saach op de Fong.

De Mr Science analyséiert d'Loftqualitéit an der Staat, an erkläert wéi enge Substanze mir Dag vir Dag ausgesat sinn.

A Carrièren am Süde vum Land gëtt d'Matière Première fir Zement aus dem Fiels gesprengt. Wéi dorausser Zement entsteet a wéi dësen duerno haart ka ginn, erkläert de Mr Science a sengem Experiment.

Wiss ass net gläich Wiss. De Mr Science zielt d'Insekten um Golfterrain.

Wéi kleng ass Nano? De Mr Science taucht an d'Nanowelt an, a weist wéi Fuerscher am Alldag en Abléck an des Welt kréien.

Dem Einstein seng Relatitivéitstheorie huet eis d'GPS Technik erméiglecht, an hëlleft och dem Mr Science säi Wee ze fannen.

Wat ass Evolutioun, a wéi kann ee sech dat bildlech virstellen? De Mr Science mécht en Test mat e puer komesche "Vullen".