Mr Science

Bis zu 60 Meter héich sprëtzt de Geysir all 2 Stonnen zu Andernach. Wéi dëse funktionéiert a wou zu Lëtzebuerg et sou Phenomener ginn, gidd der an dëser Episode vum Pisa Wëssensmagazin gewuer.

Den 1. Abrëll verbreeden och seriö Medie gäre mol eng „Fake News“. Mr Science, hues Du Tipps wéi ee Fake News identifizéieren an Informatiounen am Internet generell iwwerpréiwe kann?

Firwat sinn Héngereeër eigentlech wäiss oder brong a wéi kënnt d'Faarf an d'Schuel?

Waarmwaassergeysiren, wéi een se aus Island kennt, kann een am klengen als Experiment nobauen.

Fettzelle solle ganz schéin zéi sinn. Stëmmt et, datt si ni méi fortginn, nodeems se sech eemol am Kierper gebilt hunn, mee héchstens méi kleng ginn?

An der Stad bléist en anere Wand. Wärend um Land d'Blieder nëmmen duuss dauschen, zitt et am Groussstad-Dschungel dacks enorm. Firwat ass dat sou?

Am Februar ass de Mars Rover Perseverance um Mars gelant. Um Mars oder um Mound gëtt et jo kee GPS. Ma wéi fënnt iwwerhaapt e Rover de Wee ouni sech ze verfueren ?

Zocker gëtt eisem Kierper Energie, mee anescht wéi Bensin ass en awer net brennbar, oder? De Mr Science weist wéi een den Zocker un d’brenne kritt a baut e Rakéitemotor.

Vill Déiere kënnen d'Magnéitfeld vun der Äerd wouerhuelen. Awer hu mir Mënschen och en agebaute Magnéitsënn?

Firwat klénge mir wéi d'Mickey Maus, wa mir en déiwen Zuch aus engem mat Helium gefëllte Loftballon huelen?

Momentan ginn zu Lëtzebuerg deenen aktuellen Zuelen no 9 % vum Stroum aus erneierbaren Energië produzéiert. Wier et méiglech op 100% erneierbar Energie iwwerzegoen?

Robotik a kënschtlech Intelligenz maache grouss Fortschrëtter. Mee wäerte Maschinnen enges Daags fille kënne wéi mir Mënschen?

De Mr Science iwwerpréift seng Impfkaart mat Hëllef vum Statslabo. Hei gëtt säi Blutt op verschidden Antikierper vu Krankheeten an Impfungen ënnersicht. Ma wéi entstinn dës Antikierper iwwerhaapt?

Wann all d’Bierger aus der Eurozon hier Suen ënnerteneen deele géifen, wéi vill hätt dann all eenzelen?